0:00
/
1ܘܡܸܢَܕܪܸܫَ ܫܘܼܪܹܐܠܹܗ ܠܡܵܠܘܿܦܹܐ ܥܲܠ ܣܸܦܬܵܐ ܕܝܵܡܵܐ: ܘܓ̰ܡܸܥܝܹܐ ܠܟܸܣܠܹܗ ܟܸܢܫܵܐ ܪܵܒܵܐ ܪܵܒܵܐ: ܗܲܕܟ̣ܵܐ ܕܐ݇ܣܸܩܠܹܗ ܘܝܬܸܒ̣ܠܹܗ ܓܵܘ ܓܵܡܝܼ ܒܝܵܡܵܐ: ܘܟܠܹܗ ܟܸܢܫܵܐ ܥܲܠ ܐܲܪܥܵܐ ܗ݇ܘܵܐ ܥܲܠ ܣܸܦܬܵܐ ܕܝܵܡܵܐ. 2ܘܡܵܠܸܦ ܗ݇ܘܵܐ ܠܗ݇ܘܿܢ ܒܡܵܣܵܠܹ̈ܐ ܪܵܒܵܐ: ܘܐܵܡܸܪ ܗ݇ܘܵܐ ܒܝܘܼܠܦܵܢܹܗ. 3ܫܡܹܥܡܘܿܢ: ܗܵܐ: ܦܠܸܛܠܹܗ ܙܲܪܥܵܢܵܐ ܠܸܙܕܲܥܝܵܐ. 4ܘܗَܘܹܐ ܠܵܗ̇ ܕܟܲܕ ܙܪܸܥܠܹܗ: ܐܝܼܬ ܗ݇ܘܵܐ ܕܢܦܸܠܹܗ ܥܲܠ ܡܲܪܙܵܐ ܕܐܘܼܪܚܵܐ: ܘܐ݇ܬܹܐܠܗܘܿܢ ܛܲܝܪܹ̈ܐ ܘܐَܟܼܸܠܗܘܿܢ ܐܸܠܹܗ. 5ܘܐ݇ܚܹܪ݇ܢܵܐ ܢܦܸܠܹܗ ܥܲܠ ܕܘܼܟܵܐ ܟܹܐܦܵܢܬܵܐ: ܐܲܝܟܵܐ ܕܠܲܝܬ ܗ݇ܘܵܐ ܐܲܪܥܵܐ ܪܵܒܵܐ: ܘܗܲܪ ܒܗ̇ܝ ܣܵܥܲܬ ܡܘܼܓ̰ܝܸܢܹܗ: ܣܵܒܵܒ ܕܠܲܝܬ ܗ݇ܘܵܐ ܥܘܼܡܩܵܐ ܕܐܲܪܥܵܐ. 6ܘܟܲܕ ܙܪܸܩܠܹܗ ܫܸܡܫܵܐ: ܟ̰ܡܸܟ̰ܠܹܗ: ܘܣܵܒܵܒ ܕܠܲܝܬ ܗ݇ܘܵܐ ܠܹܗ ܥܸܩܪܵܐ: ܒܪܸܙܠܹܗ. 7ܘܐ݇ܚܹܪ݇ܢܵܐ ܢܦܸܠܹܗ ܓܵܘ ܟܸܬܘܹ̈ܐ: ܘܐܣܸܩܠܗܘܿܢ ܟܸܬܘܹ̈ܐ ܘܚܢܸܩܠܗܘܿܢ ܐܸܠܹܗ: ܘܛܥܘܿܢܝܵܬܹ̈ܐ ܠܵܐ ܝܘܼܗَܒܼܸܠܹܗ. 8ܘܐ݇ܚܹܪ݇ܢܵܐ ܢܦܸܠܹܗ ܥܲܠ ܐܲܪܥܵܐ ܨܦܵܝܝܼ: ܘܐ݇ܣܸܩܠܹܗ ܘܓܘܼܪܘܸܣܠܹܗ: ܘܝܘܼܗَܒܼܸܠܹܗ ܛܥܘܿܢܝܵܬܹ̈ܐ: ܘܡܘܼܬَܝܠܹܗ ܕܬܠܵܬَܝܼ: ܘܕܸܐܫܬܝܼ: ܘܕܡܵܐܐ. 9ܘܐَܡܝܼܪܹܗ ܡ̇ܢ ܕܐܝܼܬ ܠܹܗ ܢܵܬܝܵܬܹ̈ܐ ܕܫܵܡܸܥ: ܫܵܡܹܥ. 10ܘܟܲܕ ܗَܘܹܐܠܗَܘܿܢ ܒܢܲܦ̮ܫܵܝܗܝ: ܒܘܼܩܸܪܗܘܿܢ ܡܸܢܹܗ ܐܵܢܝܼ ܕܥܲܡܹܗ ܥܲܡ ܬܪܸܥܣܲܪܬܹܗ ܗ̇ܘ ܡܵܣܵܠܵܐ. 11ܘܐَܡܝܼܪܹܗ ܐܸܠܵܝܗܝ: ܐܸܠܵܘܟ̣ܘܿܢ ܝܘܼܗَܒ̣ܵܐ ܝܠܹܗ ܣܸܪ ܕܡܲܠܟܘܼܬܹܗ ܕܐܲܠܵܗܵܐ: ܐܝܼܢܵܐ ܠܒܲܪ̈ܵܝܹܐ ܟܠ ܡܸܢܕܝܼ ܒܡܵܣܵܠܹ̈ܐ ܟܹܐ ܗܵܘܹܐ. 12ܕܚܙܵܝܵܐ ܚܵܙܝܼ: ܘܠܵܐ ܦܵܪܫܝܼ: ܘܫܡܵܥܝܵܐ ܫܵܡܥܝܼ: ܘܠܵܐ ܦܲܪܡܝܼ: ܠܵܐ ܗَܘܹܐ ܕܕܵܝܪܝܼ ܘܦܵܝܫܝܼ ܫܒ̣ܝܼܩܹܐ ܐܸܠܵܝܗܝ ܚܛܝܼܵܬܵܝ̈ܗܝ. 13ܘܐَܡܝܼܪܹܗ ܐܸܠܵܝܗܝ: ܠܹܐ ܝܬܘܿܢ ܒܝܼܕܵܥܝܵܐ ܠܐܵܗܵܐ ܡܵܣܵܠܵܐ: ܘܕܵܐܟ̣ܝܼ ܟܠܵܝܗܝ ܡܵܣܵܠܹ̈ܐ ܒܸܬ ܝܵܕܥܝܼܬܘܿܢ. 14ܙܲܪܥܵܢܵܐ ܗܹܡܸܙܡܵܢ ܟܹܐ ܙܲܪܸܥ. 15ܘܐܲܢܹܐ ܝܢܵܐ ܐܵܢܝܼ ܕܥܲܠ ܡܲܪܙܵܐ ܕܐܘܼܪܚܵܐ: ܐܲܝܟܵܐ ܕܦܵܝܫܵܗ̇ ܙܪܥܝܼܬܵܐ ܗܹܡܸܙܡܵܢ: ܘܐܝܼܡܲܢ ܕܫܡܸܥܠܗَܘܿܢ: ܕܲܪܣܵܥܲܬ ܟܹܐ ܐܵܬܹܐ ܣܵܛܵܢܵܐ: ܘܟܹܐ ܫܵܩܸܠ ܠܗܹܡܸܙܡܵܢ ܕܝ݇ܠܵܗ̇ ܙܪܥܝܼܬܵܐ ܒܝܼܵܝܗܝ. 16ܘܗܲܕܟ̣ܵܐ ܐܲܢܹܐ ܕܥܲܠ ܐܲܪܥܵܐ ܟܹܐܦܵܢܬܵܐ ܦܸܫܠܗَܘܿܢ ܙܸܪܥܝܹܐ: ܐܵܢܝܼ ܝܢܵܐ ܕܐܝܼܡܲܢ ܕܫܡܸܥܠܗَܘܿܢ ܠܗܹܡܸܙܡܵܢ: ܕܲܪܣܵܥܲܬ ܒܚܲܕܘܼܬܵܐ ܟܹܐ ܩܵܒܠܝܼ ܠܵܗ̇. 17ܘܠܲܝܬ ܠܗ݇ܘܿܢ ܥܸܩܪܵܐ ܒܓܵܢܵܝܗܝ: ܐܸܠܵܐ ܕܙܲܒ̣ܢܵܐ ܝܢܵܐ: ܘܐܝܼܡܲܢ ܕܗَܘܹܐܠܹܗ ܐܘܼܠܨܵܢܵܐ ܝܲܢ ܛܪܵܕܬܵܐ ܣܵܒܵܒ ܕܗܹܡܸܙܡܵܢ: ܓ̰ܲܠܕܹܐ ܟܹܐ 18ܟܵܦܪܝܼ. ܘܐ݇ܚܹܪ̈݇ܢܹܐ ܕܓܵܘ ܟܸܬܘܹ̈ܐ ܦܸܫܠܗَܘܿܢ ܙܸܪܥܝܹܐ: ܐܵܢܝܼ ܝܢܵܐ ܕܫܡܸܥܠܗَܘܿܢ ܗܹܡܸܙܡܵܢ. 19ܘܚܲܡ ܕܐܵܗܵܐ ܥܵܠܡܵܐ: ܘܚܸܠܛܘܼܢܝܘܼܬܵܐ ܕܕܵܘܸܠܬܵܐ: ܘܫܲܗَܘܲܬܝܵܬܹ̈ܐ ܕܡܸܢܕܝܵܢܹ̈ܐ ܐ݇ܚܹܪ̈݇ܢܹܐ ܒܸܥܒܼܵܪܵܐ ܝ݇ܢܵܐ ܘܒܸܚܢܵܩܵܐ ܝ݇ܢܵܐ ܠܗܹܡܸܙܡܵܢ؛ ܘܒܸܗَܘܵܝܵܐ ܝ݇ܠܵܗ̇ ܕܠܵܐ ܛܥܘܿܢܝܵܬܹ̈ܐ. 20ܘܐܵܢܝܼ ܕܒܲܐܪܥܵܐ ܨܦܵܝܝܼ ܦܸܫܠܗَܘܿܢ ܙܸܪܥܝܹܐ: ܐܲܢܹܐ ܝܢܵܐ ܕܫܵܡܥܝܼ ܗܹܡܸܙܡܵܢ: ܘܩܵܒܠܝܼ: ܘܝܵܗَܒ̣ܝܼ ܛܥܘܿܢܝܵܬܹ̈ܐ: ܒܬܠܵܬَܝܼ: ܘܒܐܸܫܬܝܼ: ܘܒܡܵܐܐ. 21ܘܐَܡܝܼܪܹܗ ܐܸܠܵܝܗܝ: ܟܹܐ ܐܵܬܝܵܐ ܫܪܵܝܵܐ ܕܦܵܝܫܵܐ ܡܘܼܬܸܒ̣ܬܵܐ ܬܚܘܿܬ ܣܲܐܬܵܐ: ܝܲܢ ܬܚܘܿܬ ܫܘܝܼܬܵܐ: ܠܹܐ ܝ݇ܠܵܗ̇ ܕܥܲܠ ܟ̰ܪܲܚܦܝܼ ܦܵܝܫܵܐ ܡܘܼܬܸܒ̣ܬܵܐ. 22ܣܵܒܵܒ ܠܲܝܬ ܡܸܢܕܝܼ ܛܸܫܝܵܐ: ܐܸܠܵܐ ܕܦܵܐܹܫ ܓܸܠܝܵܐ: ܘܠܵܐ ܗَܘܹܐܠܹܗ ܒܛܸܫܘܵܐ: ܐܸܠܵܐ ܕܗܵܘܹܐ ܐܲܫܟܵܪܵܐ. 23ܐܸܢ ܐ݇ܢܵܫܵܐ ܐܝܼܬ ܠܹܗ ܢܵܬܝܵܬܹ̈ܐ ܕܫܵܡܸܥ: ܫܵܡܹܥ. 24ܘܐَܡܝܼܪܹܗ ܐܸܠܵܝܗܝ: ܚܙܹܝܡܘܿܢ ܡܘܼܕܝܼ ܒܸܫܡܲܥܝܵܐ ܝܬܘܿܢ. ܒܗ̇ܝ ܟܝܵܠܬܵܐ ܕܟܵܝܠܝܼܬܘܿܢ: ܒܸܬ ܦܵܐܹܫ ܟܝܠܵܐ ܐܸܠܵܘܟ̣ܘܿܢ: ܘܒܸܬ ܦܵܐܹܫ ܡܘܼܙܝܸܕܵܐ ܐܸܠܵܘܟ̣ܘܿܢ. 25ܣܵܒܵܒ ܡ̇ܢ ܕܐܝܼܬ ܠܹܗ: ܒܸܬ ܦܵܐܹܫ ܝܘܼܗَܒ̣ܵܐ ܐܸܠܹܗ: ܘܡ̇ܢ ܕܠܲܝܬ ܠܹܗ: ܐܘܼܦ ܗ̇ܘ ܕܐܝܼܬ ܠܹܗ ܒܸܬ ܦܵܐܹܫ ܫܩܝܼܠܵܐ ܡܸܢܹܗ. 26ܘܐَܡܝܼܪܹܗ: ܗܲܕܟ̣ܵܐ ܝ݇ܠܵܗ̇ ܡܲܠܟܘܼܬܹܗ ܕܐܲܠܵܗܵܐ: ܐܲܝܟܼ ܕܐܸܢ ܐ݇ܢܵܫܵܐ ܒܵܙܸܩ ܒܲܪܙܲܪܥܵܐ ܒܐܲܪܥܵܐ. 27ܘܕܵܡܸܟܼ ܘܩܵܝܸܡ ܒܠܲܝܠܹܐ ܘܒܐܝܼܡܵܡܵܐ: ܘܒܲܪܙܲܪܥܵܐ ܡܲܓ̰ܝܸܢ ܘܝܵܪܸܟܼ: ܟܲܕ ܗ̇ܘ ܠܹܐ ܝܠܹܗ ܒܝܼܕܵܥܝܵܐ. 28ܣܵܒܵܒ ܕܐܲܪܥܵܐ ܒܓܵܢܘܼܗ̇ ܟܹܐ ܡܲܝܬَܝܵܐ ܠܹܗ ܠܛܥܘܿܢܬܵܐ: ܩܵܕَܡܵܝܬܵܐ ܝܸܩܢܵܐ: ܘܒܵܬَܪܹܗ ܒܘܼܠܵܐ: ܐܝܼܬܵܐ ܚܸܛܝܼܬܵܐ ܡܠܝܼܬܵܐ ܒܒܘܼܠܵܐ. 29ܐܝܼܢܵܐ ܐܝܼܡܲܢ ܕܡܵܛܝܵܐ ܛܥܘܿܢܬܵܐ: ܕܲܪܣܵܥܲܬ ܟܹܐ ܕܵܪܹܐ ܡܲܓܠܵܐ: ܣܵܒܵܒ ܕܡܛܹܐܠܹܗ ܚܸܨܕܵܐ. 30ܘܐَܡܝܼܪܹܗ: ܠܡܘܼܕܝܼ ܡܲܕܡܵܚܠܵܗ̇ ܡܲܠܟܘܼܬܵܐ ܕܐܲܠܵܗܵܐ: ܝܲܢ ܒܐܲܝܢܝܼ ܡܵܣܵܠܵܐ ܡܵܬܠܵܚܠܵܗ̇. 31ܐܲܝܟܼ ܕܲܢܕܸܟܬܵܐ ܕܚܲܪܕܵܠ ܝ݇ܠܵܗ̇: ܗ̇ܝ ܕܐܝܼܡܲܢ ܦܸܫܠܵܗ̇ ܙܪܥܝܼܬܵܐ ܒܐܲܪܥܵܐ: ܙܥܘܿܪܬܵܐ ܝ݇ܠܵܗ̇ ܡ̣ܢ ܟܠܵܝܗܝ ܒܲܪܙܲܪ̈ܥܹܐ ܕܥܲܠ ܐܲܪܥܵܐ. 32ܐܝܼܢܵܐ ܐܝܼܡܲܢ ܦܸܫܠܵܗ̇ ܙܪܥܝܼܬܵܐ: ܟܹܐ ܐܵܣܩܵܐ ܘܗܵܘܝܵܐ ܓܘܼܪܬܵܐ ܡ̣ܢ ܟܠܵܝܗܝ ܝܲܪ̈ܩܹܐ: ܘܟܹܐ ܥܵܒ̣ܕܵܗ̇ ܦܲܥܘܵܢܹ̈ܐ ܓܘܼܪܹ̈ܐ: ܗܲܕܟ̣ܵܐ ܕܡܵܨܝܼ ܛܲܝܪܹ̈ܐ ܕܫܡܲܝܵܐ ܫܵܪܝܼ ܒܛܸܠܵܢܝܼܬܘܼܗ̇. 33ܘܒܪܵܒܵܐ ܡܵܣܵܠܹ̈ܐ ܐܲܝܟܼ ܕܐܲܢܹܐ ܟܹܐ ܗܲܡܙܸܡ ܗ݇ܘܵܐ ܥܲܡܵܝܗܝ ܗܹܡܸܙܡܵܢ: ܐܲܝܟܼ ܕܡܵܨܝܼ ܗ݇ܘܵܘ ܠܸܫܡܲܥܝܵܐ. 34ܘܕܠܵܐ ܡܵܣܵܠܹܐ ܠܹܐ ܗܲܡܙܸܡ ܗ݇ܘܵܐ ܥܲܡܵܝܗܝ. ܐܝܼܢܵܐ ܠܬܲܠܡܝܼܕܘܼ̈ܗܝ: ܒܹܝܠܹܗ ܘܐܸܠܵܝܗܝ: ܟܹܐ ܦܵܫܸܩ ܗ݇ܘܵܐ ܟܠ ܡܸܢܕܝܼ. 35ܘܐَܡܝܼܪܹܗ ܐܸܠܵܝܗܝ ܒܗ̇ܘ ܝܵܘܡܵܐ ܒܪܲܡܫܵܐ: ܥܵܒ̣ܪܵܚ ܠܡܲܪܙܵܐ ܐ݇ܚܹܪ݇ܢܵܐ. 36ܘܫܒܸܩܠܗܘܿܢ ܠܟܸܢܫܹ̈ܐ: ܘܠܘܼܒܸܠܗܘܿܢ ܐܸܠܹܗ ܐܲܝܟܼ ܕܝܼܗ݇ܘܵܐ ܒܓܵܡܝܼ: ܘܐ݇ܚܹܪ̈݇ܢܹܐ ܓܵܡ̈ܝܹܐ ܐܝܼܬ ܗ݇ܘܵܘ ܥܲܡܹܗ. 37ܘܗَܘܹܐ ܠܵܗ̇ ܒܘܼܪܵܢ ܓܘܼܪܬܵܐ ܕܦܵܘܚܵܐ: ܘܠܲܦܹ̈ܐ ܒܸܢܦܵܠܵܐ ܗ݇ܘܵܘ ܓܵܘ ܓܵܡܝܼ: ܕܵܐܟ̣ܝܼ ܕܦܵܝܫܵܐ ܗ݇ܘܵܐ ܡܠܝܼܬܵܐ. 38ܘܗ̇ܘ ܒܓܵܢܹܗ ܕܡܝܼܟ̣ܵܐ ܗ݇ܘܵܐ ܥܲܠ ܣܦܵܕܝܼܬܵܐ ܒܚܲܪܬܵܗ̇ ܕܓܵܡܝܼ. ܘܡܘܼܩܸܡܠܗَܘܿܢ: ܘܐܵܡܪܝܼ ܐܸܠܹܗ: ܪܵܒܝܲܢ: ܠܹܐ ܝܘܸܬ ܒܚܲܡ ܕܒܸܬܠܵܩܵܐ ܝܘܵܚ. 39ܘܩܸܡܠܹܗ: ܘܢܓ̰ܘܼܠܹܗ ܒܦܵܘܚܵܐ: ܘܐَܡܝܼܪܹܗ ܠܝܵܡܵܐ: ܫܠܝܼ: ܗَܘܝܼ ܪܵܗܲܬ. ܘܫܠܹܐܠܹܗ ܦܵܘܚܵܐ: ܘܗَܘܹܐܠܹܗ ܢܝܵܚܵܐ ܓܘܼܪܵܐ. 40ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܙܵܕܘܿܥܘܹ̈ܐ ܝܬܘܿܢ. ܗܵܠܵܐ ܠܲܝܬ ܠܵܘܟ̣ܘܿܢ ܗܲܝܡܵܢܘܼܬܵܐ. 41ܘܙܕܸܥܠܗܘܿܢ ܙܕܘܿܥܬܵܐ ܓܘܼܪܬܵܐ: ܘܐܵܡܪܝܼ ܚܲܕَ ܠܗ̇ܘ ܐ݇ܚܹܪ݇ܢܵܐ: ܒܲܣ ܡܵܢܝܼ ܝܠܹܗ ܐܵܗܵܐ: ܕܐܘܼܦ ܦܵܘܚܵܐ ܘܝܵܡܵܐ ܡܲܨܝܘܼܬܹܐ ܝܢܵܐ ܐܸܠܹܗ.